Қайта әкеңнен туа алмайсың

Әлі де шалағайсың, шырағым-ай,
Бәйгеге қосқан қасқа, пырағым-ай.
Жар болсын жалғыз Алла бар ісіңе,
Тәубам жетсін Тәңірдің құлағына-ай!

Сөзіңді талғамайсың ақылға сап,
Ісіңді өлшемейсің мақұлға сап.
Ақыл мен айла жұмсар жерде дағы
Кімді де жеңгің келер тақымға сап.

Бойыңнан мін тапса әкең, —
Қуанғайсың.
Әр сөзін дұға көріп жұбанғайсың.
Ақылға ақыл дарып жуандайсың,
Әйтпесе, қайта әкеңнен туа алмайсың.

© Естеу Нүсіпбеков

Ұнаса, бөлісе отырыңыз

Добавить комментарий

Ваш адрес email не будет опубликован. Обязательные поля помечены *

12 − семь =