Құр қоймапты тас тағдыр Ғайып кенде: Кемем жүзді Атырау, Жайықпен де. Олжа артқызды арқама. Жаңа ғасыр! Сый-сауғамды атасам айып етпе: Басты сыйым — ақ пырақ Азаттығым, Еркін елге бас ие қазақтығым. Екі жүзден асатын жұрттан қалмай, Тәркі еткенім бодандық азап…
Буынсыз тіл қайнағанда, Балқытады тас көңілді жібітіп. Буынсыз тіл жайнағанда, Ұсатады таудың тасын үгітіп. Буынсыз тіл жай тастаса, Қақ жарады — қақырайды қарағай. Буынсыз тіл ой тастаса, Жұбанады қара дию баладай.
Тіл — халықтың негізінің негізі, Көштерінде шаңырақ артар өгізі. Басқыншыдан басын қорғар қаруы, Сегіз қырлы, сексен сырлы өгізі. Тіл — халықтың тірлігінің тірлігі. Қанын, тәнін бұзбай ұстар бірлігі. Тіл — халықтың жанын көрер айнасы, Ардай таза аппақ шаңқан кірлігі.
АСПАНТАУ БОЙЛАП КЕЛЕМІН 1 Аспантау бойлап келемін. Буырыл жалын атымның Ай сәулесіне шомылтам. Көкшулан ашық аспанға Қиян қиял тоғытам. Әулие Тау — Аспан Тау Ата мекен тұрағым. Араласам бұл тауды, Елеңдейді құлағым. – Жай жасыны- жаным да, Шақпақтары — шырағым.…
Менің халқым сапырылысқан заманда, Батыс, Шығыс, Оң, Солынан анталап, Төрт тұстан да жау қоршаған заманда Анттас, әріптес достары сатып шатысқан. Қиян-кескі жылдарда. Монғолмен де, шүршітпен де атысқан. Қуат іздеп тұс-тұстан, Мықты, іргелі сатпайтұғын дос тапқан. Мият іздеп әр жұрттан, Тірек…
Атыңнан айналайын атамекен! Кіндік қан сенде төккен атам, әкем. Тал бойым, табиғатым саған мәнсұк, Тер тегіп от қойныңды Отан етем. Сен маған махаббаты от анамдайсың, Сімірткен балды земзәм банандайсың. Биікке бала құстай алып шығып, Әр танда қанатымды тарамдайсың.