ЖАН АЗДЫРМА, ЖЕТКІНШЕК. Біраз жас қанын бұзып құтырып жүр, Айықпас ауруларға тұтылып жүр. Тән саулық, жан саулықтан сақал сипап, Ақылдан жүген ұстап ұтылып жүр. Не нәрсе тәнін бұзған, жанын бұзған? Сұйылтып қою күрең қанын бұзған. Адамдық қасиеттерден жалаңаштап, Қандай күш…
Ақылымды “әй” дерім, Сезімімде “қой” дерім — Бірім-Барым болмаса, Мұсылманмын қай жерім?! Ақылыма арыз көп, Өтелмеген қарыз көп. Өмір бойғы бес намаз Мойында тұр парыз боп.
Кім кімге немен ұнар? Өлшем бар ма? Баласын аппағым дер қара қарға. Базардан қалағанын сатып алып, Қанағат етеді есті барға ғана.
Иә, Құдай! Оңда, Оң жолына баста. Шайтан көңіл-менмендік, Кеудеден алып таста. Көңіліме таупиқ бер, Күпірліктен жасқа. Адастырма жолыңнан, Сүріндірме тасқа.
Елшісіне Алланың ақ ниетін ұсынған, Мәуліт өтеп жатыр көп мешіт толы мұсылман. Жүреледі сап түзеп, тына қалды қалың жұрт, Құдай үйі тыншыды абыр-сабыр тысырдан.
Сенім – иман, сенім – ар, Сенімде де сенім бар. Ар-иманға жүгінсең, Алдыңда ашық жолың бар. Сенім – иман, сенім – ар, Сеніміңе сеніп ал. Ақсамасқа ар-иман, Сеніміңді жеңіп ал.