ҚАС ЖАҚСЫ АДАМДЫҒЫН ҚАРТАЙТПАС

Жас шағыңда бойыңа
Қанша жисаң асылды,
Кемдік, тарлық көрмейсің,
Қарғысаң да ғасырды.

Қартайса тән қартаяр,
Жан дүние қартаймас.
Намыс, ұят қолтықтап,
Ақылынан ар таймас.

Парасатты ғұмырға
Сексен, тоқсан – теңжіптей,
Адамгерлік арбасын
Доғармайды жол бітпей.

Үлкен өнер – қартаю,
Жанын, тәнін таза ұстау.
Келін, бала, кемпірмен,
Көршімен күл қағыспау.

Қартайса да асыл қарт,
Адамдығын қартайтпас.
Күмбірлеген күй – шанақ
Кеудесі ішін ортайтпас.

Қартайса да қарт асыл,
Нәгізінен жаңылмас.
Ондай асыл өмірде
Онша жиі табылмас.

Ұнаса, бөлісе отырыңыз

Добавить комментарий

Ваш адрес email не будет опубликован. Обязательные поля помечены *

4 + восемь =