ОТАН

Отан – үйім, босағам, шаңырағым.
Ошағымнан әуресіз табыламын.
Ойнақтайды құлын, тай өрісімде,
Құлын,тайды – сырт кетсем – сағынамын.

Отан – діңгек, қазығым, қыл арқаным.
Байланбасам арқанға мұң артамын.
Қазығымнан айналып ұзай алмай,
Деңгейінен міне астым жол ортаның.

Отан – ұлтым, қазағым, халықтығым.
Халықтықты сақтасам, қалыптымын.
Ділім, салтым, мейірім, сөзде тұру –
Ұрпағыма өтейтін салық құным.

Отан – досым, достықты аялаймын.
Бақыт, байлық, береке – ынтымақта.
Достық бұзса кім де кім, аямаймын,
Татулықты ардақтап, саялаймын.

Әр перзентім – ақ пырақ, бәйге жылқы.
Жал-құйрығы сүзулі, қызу құлқы.
Шабандоз да, бапкер де сөреші – өзі,
Қасқалатса қазағын, – қолыңда ырқы.

Ұнаса, бөлісе отырыңыз

Добавить комментарий

Ваш адрес email не будет опубликован. Обязательные поля помечены *

16 − восемь =