Жалт-жұлт еткен дүние ғұмыр-тірлік!

Жалт-жұлт еткен дүние ғұмыр-тірлік!
Көлеңкеңнен көңілім көрмеді үркіп.
Өттім талай тар жолдан ат-көлік сау,
Сезім, сенім тізгінін теңшеп іркіп.

Өткізбедім дел-сал күй қалғып-мүлгіп,
Қатарымнан ертелеу аштым түңлік.
Айдыныңа тұңғиық ашық таңда —
Тәуекелшіл талаппен кеттім сүңгіп.

Өркеш-өркеш өтінде түлей толқын,
Қолын салды жағама үрей-қорқын.
Тәлейлі екен тағдырым:
Кемесіне
Аман-есен таптырды өмір портын.

Жазмыш озды озмыштан Тәңір қолдап,
Жол кессе де қиянат қанша торлап.
Аққа Құдай жақ болды қайда-дағы,
Баса алмады кеудемді ешкім зорлап.

Қас-қабағың бірде ашық, бірде жабық,
Кейде тіпті қарайсың қырынданып.
Ай сайын да күн сайын құбыласың,
Ұстатпайсың сынаптай сырыңды анық.
© Естеу Нүсіпбеков

Ұнаса, бөлісе отырыңыз

Один ответ к «Жалт-жұлт еткен дүние ғұмыр-тірлік!»

  1. Беу дүние өмірдің,
    Қуанышын тойлаттың.
    Көңілімді күн сайын ,
    Көк сағымдай ойнаттың.
    Кету үшін бір көріп,
    Жердің бетін жәйнаттың.
    Жүрегіме тіл беріп ,
    бұлбұл құстай сайраттың .

    шіркін-ай , шіркін ай ,
    жалт-жұлт еткен өмір-ай.
    Үміт қуған пендеңе,
    Жеткізбейсің сен неге.
    Ғашық ғұмыр тойар-моу,
    Сенің жарық сәулеңе.
    Жалт-жұлт еткен дүние-ай.
    Арман дүние-ай.
    Жалт-жұлт еткен дүние-ай.
    Жалған дүние-ай

    Беу дүние өзіңнің,
    пактігіңе сенемін.
    Тұнығына сезімнің ,
    жүрегімді бөледің.
    Сенен аған сиымды,
    несін айта беремін.
    Әттең құлақ күйімді ,
    табалмай-ақ келемін.

    шіркін-ай , шіркін ай ,
    жалт-жұлт еткен өмір-ай.
    Үміт қуған пендеңе,
    Жеткізбейсің сен неге.
    Ғашық ғұмыр тойар-моу,
    Сенің жарық сәулеңе.
    Жалт-жұлт еткен дүние-ай.
    Арман дүние-ай.
    Жалт-жұлт еткен дүние-ай.
    Жалған дүние-ай

Добавить комментарий

Ваш адрес email не будет опубликован. Обязательные поля помечены *

4 × 4 =