1 Ақ ділді адаспасам түсініктен: Кішілік бір кіндіктен кісілікпен. Айырсам кісілікті кішіліктен, Діт түсік тастайтындай ісініп дем. Ісініп, тастатпайын дітке түсік, Адамдық ар салмағы жүктен күсіп. Арман не қой асықтың бірі болсам, Тұратын алшыдан да, шіктен түсіп.
Шақырды бәсекеге Елбасы Елді, Ақылмен, парасатпен ең кемелді. Сол сол-ақ іші өртенген бақас топтың Көздері шарасынан дөңгеленді. Байбалам айғайменен аттандаған, Жан-жақтан жапты жала қапталдаған. Өкпелі әлдекімі мансабына, Мойнында кінәсі бар батпандаған.
(Елбасының Жолдауынан туған ой) Көш өрлету оңай ма, — көлікке күш. Мың ауысып, миласар өң менен түс. Көк доңғалақ қайда бар ылғи өрге Тосқауылсыз, бөгетсіз дөңгелегіш?! Қайрат, қажыр ақылға иін артпай, Алдан сенім арқан сап сүйреп тартпай, Қақпатасқа қақтықсақ, жүк…
Нағыз ер: аршынынан талмағандар, Саудаға ар-ұятын салмағандар. Қатарды аяғынан шалмағандар, Озғанды түп етектен алмағандар. Нағыз ер: теңтұсына тараймаған, Артынан жеткендерге алаймаған. Өз жолын, өр-еңісін абайлаған, Бақ-тәлей басқада артса қараймаған…
Жерлессің, замандассың, сыйлассың да, Бірісің етене ескі қимастың да. Тілеулес істер істеп тілеулеске, Достарың достарыммен миластың да. Базарлы, бапты ұстап көңіл құсын, Болса да созысқан күн қолдың ұшын. Дос-жарды, таныстарды көбейтуде, Сенің көп бізден дара оқшау тұсың.
Бисмилляхи Рахмани Рахим! Болар ма екен Аллахқа енді сыйым?! Иір-шиыр өмірге өкінішпен, Ниет, ындын, нәпсіме салдым тыйым. Таупих үйім – мешітім, жұма жиын.