© Естеу Нүсіпбеков Қақпадан шығып қарасам, Кеңиді ғажап тынысым. Жадырап жаным орасан, Жазылып бойдан құрысым. Ағылған жұртты көремін, Көлікті және жаяулы. Егдеге сәлем беремін, Жарқын жүз, жаны аяулы. Мектептен қайтқан баланың Наз үні желпіп сергимін. Ақ самай, ақ шаш ананың…
Бәсеке — іс емес-ақ шошынғандай, Әйтеуір айта салған тосын далбай. Зейінмен үйренген жөн зерделеуді, Замана, ағым қандай, жосын қандай… Бәсеке – бой әзірлеу күрестерге, Бәсеке – ой әзірлеу үлестерге. Бәсеке – буындарды берік тұту, Талдырмау тізені де тірестерде.
Шақырды бәсекеге Елбасы Елді, Ақылмен, парасатпен ең кемелді. Сол сол-ақ іші өртенген бақас топтың Көздері шарасынан дөңгеленді. Байбалам айғайменен аттандаған, Жан-жақтан жапты жала қапталдаған. Өкпелі әлдекімі мансабына, Мойнында кінәсі бар батпандаған.
Егемендік елде кімге не берді? Егемендік төлеуіне ел не көрді? Кім алданды, кім арбалды, кім жырғап? Үлде менен бүлдеге кім бөленді? Қырда малды, ойда егісті жекелеп, Қан талапай үдеткен кім жегенді? Қырған, сойған аз болғандай бастыққа, Кім шығарды айырбастау дегенді?…
Елулікке енбекші еңселі елім, Байқады әлем терезе теңшелерін. Байқады әлем көз жазбай қазақемнің, Бел буынып көп істі еңсерерін. Байқады әлем жарысқа қосқан ұл, қыз, Бәсекеде бәйге алып белсенерін. Байқады әлем қазақты Нұрсұлтандай, Ел бастаудың ысылған ең шеберін.
(Елбасының Жолдауынан туған ой) Көш өрлету оңай ма, — көлікке күш. Мың ауысып, миласар өң менен түс. Көк доңғалақ қайда бар ылғи өрге Тосқауылсыз, бөгетсіз дөңгелегіш?! Қайрат, қажыр ақылға иін артпай, Алдан сенім арқан сап сүйреп тартпай, Қақпатасқа қақтықсақ, жүк…