Құдайым өмір берді мәресі алыс, Өнерлі ойда таңдатты бәйге-жарыс. Қолдан қалам түспеді елу бес жыл, Не тындырдым, әз жұртым өзің қалыс. Әділдігін өзің айт, қайран қалыс, Болмағаным ап-анық сайран салғыш. Тек өнерді қууға босатпады Қыл арқандай мойнымнан байланған іс.
Ашық-жайлы таңында октябрьдің Қырқадағы-ауылдан атқа міндім. Әбдкерім, Сұраубай жолдасым боп, Оқу деген қойны ыстық жолға кірдім. Әсейіннен таныдым төңеректі, Бұқара мен Байбазар өнер екті. Қазақша да ұйғұрша, өзбекше… Қолтықтатты кітаптар кереметті.
Көп үндемей жүргенге, ойсыз деме, Созбағанға мойнымды, бойсыз деме. Өзімді іркіп, өзгеге кезек берсем, Көңлі күнсіз, аспаны айсыз деме. Ұсақ данқ, бас пайда, жеңіл сезім, Көрсеткенмен алтын қып көңіл жезін. Ақыл отын жағуға суын сеуіп, Қысқа өлшетіп кетпей ме өмір…
Үніме қүлағыңды түресің бе? Кеудем жылы ұяшық, кіресің бе? Жұрт оқып түсінуге жолымды ашып, Сен мені тектеп танып білесің бе?
Ел көріп кел, ақ ботам, жер көріп кел. Көкпар-білім, қозы-ой өңгеріп кел. Бар өмірін адамзат бақыты үшін Бағыштаған ерден жөн, жол көріп кел.
Алматы қаласы Еңбекші қазақ ауданы Р. Тоқатаев орта мектебі Есіңе мені алғайсың… (Естеу Сабырбекұлын еске алу кеші) Жауапты Шорманова Ә. Ә. Есік қаласы 2007 жыл Естеу Сабырбекұлын еске алу кеші («Көңіл толқыны» күйімен бастау)