Таға
Тұяқтарды тайдырмаған тағасың, Қарш-қарш шауып айдын мұзда ағасың. Тоңнан тозаң, тастан шақпақ шағасың, Өйткені сен тайдырмайтын тағасың.
Туысқандар
Армысың аға, іні туысқандар! Бет кірін бір бастауға жуысқандар. Тебісіп тай-құлындай жұғысқандар, Бір қарап қас-қабақтан ұғысқандар.
ҚАЙНАР
Тереңнен қайнап шыққан бұлақсың сен, Мөлдір тұнық тамшыңмен сынапсың сен. Мейірімсің, шапағат-нәрлі сусың, Жер ананың құшағын құлап сүйген.
Бала
Бала, бала! Бала — менің мотор-кеудем дүрсілі. Өмірімнің сенбес күнге шұғылысып мөлтілдеген бір шығы. Жақсы болса- Тірлігімнің қыл арқауын зыр-зыр иірер ұршығы. Жаман болса- Жүйке жүндеп, намыс тоттар қырсығы.
Ержанның емтиханы жайындағы үш өлең
Емтиханға кіріп кеткенде Бәйге күткен атбегідей алаңдап, Елең қағып жалт қараймын жолына. Судыр-сыбдыр… Судыр- сыбдыр алаң,бақ, Адам тасқын сүнгиді адам тобына.
Байлық, атақ – қол кірі, көңіл құрты
Байлық, атақ – қол кірі, көңіл құрты, Жете алмайды жетесіз ырқы-дырқы. Ұстайды оны пайымды, ақылы зор, Парасаты басымдар, рухы мықты.