Қаздитып тіктеп бойын, түзу өскен, Көк сүзген, бірін-бірі күндеместен. Кеңдікпен, кемелдікпен кербезденіп, Нұр, нәрді тең бөліскен қың деместен. Ұмтылған Күнге қарап, Айға қарап, Солқылдақ балашықтар бойлаған-ақ. Сыбызғы, сырнай басым күйі сазды, Сырбаз-ақ самырсындар сары балақ.
Аспанда ерек дабыл кем күркіреген, Жаңбыр құйды дамылсыз сіркіреген. Ағыл-егіл, кең көше көл боп кетті, Шомылтпаған бұта кем, сілкімеген. Телегейлеп бұлқынған бұлақтармен Тоған, арық қалмады кілкімеген. Қыз-қырқынды ықтатып қорғалатып, Маңқияды бұрышта бір түп емен. Апталатып ақ жауын себеледі. Жылғаларды сылқым…
Егемендік елде кімге не берді? Егемендік төлеуіне ел не көрді? Кім алданды, кім арбалды, кім жырғап? Үлде менен бүлдеге кім бөленді? Қырда малды, ойда егісті жекелеп, Қан талапай үдеткен кім жегенді? Қырған, сойған аз болғандай бастыққа, Кім шығарды айырбастау дегенді?…
Елулікке енбекші еңселі елім, Байқады әлем терезе теңшелерін. Байқады әлем көз жазбай қазақемнің, Бел буынып көп істі еңсерерін. Байқады әлем жарысқа қосқан ұл, қыз, Бәсекеде бәйге алып белсенерін. Байқады әлем қазақты Нұрсұлтандай, Ел бастаудың ысылған ең шеберін.
(Батыр, ер Рахымжан ағаға) Шәпету , сары жігіт, өңі ашаң, Ырғайдай , тіп-тік түзу және жасаң. Аз сөйлеп, көп тыңдайтын дегдар, бекзат, Деп түйген: “Айтқан сөзден айнымасам”. Сол дітін нықтап тұтқан өмірінде, Жатқан шоқ жайнап оттай көңілінде. Оққа ұйтқан жаудың…
(Кеңес Одағының Батыры Р.Тоқатаевтың 80 жасына) Ассалаумағалайкум, аппақ аға! Жұрттан ерек жаратқан Хақтағала. Денеңізді шап-шағын пішсе-дағы, Жау жүрек қып жасаған баққа бола. Қара жерге сызғылап жара-шиыр, Қаптаса да анталап қара «Тигр», Аспай-саспай сабырмен ес тоқтатып, От қаптыра өртедің танкіні үйір.