Ақ тер-көк тер астымда көлік-дене!
Кешірмедің басыңнан өмірде не?!
Арқалатпай ертоқым орта жолда,
Өткелектің шығардың өріне де.
Ақ тер-көк тер астымда дене — көлік!
Қажыр қайрап қайратқа бердің ерік.
Нәпсі-даққа жанымды тоттандырмай,
Жеткенімше жетпіске болдың серік.
Енді қанша шыдайсың асу, белге?
Көбейтем бе өлең-жыр шашуды елге?
Алғанынша жанымды Жәбірейіл,
Қайран тәнім, қажыма, жасу көрме!
© Естеу Нүсіпбеков 2003 жыл.
Қандай тамаша өлеңдер! Жүректен шыққан жылулығымен көңілден шығады.Жарайсың Ержан!